14.1.09



Son rebeldes os teus ollos. Falan eles todo o que ti calas.

Hoxe dixéronme que cada día vas tecendo en ti unha parte de min. As agullas son sorrisos. O fío azul. Como a túa mirada.

Pero buscas noutras o que non te atreves a pedirme. Non, si o entendo. Eu non podo darcho. Aínda que ás veces penso que tal vez me gustaría.

E aínda que non debo, non me resisto a perfilar os labios cada mañá, asomada ó retrovisor do coche, mentras non abre o semáforo da esquina. Para que cada noite poidas darlle outra puntada a ese tatuaxe de min que ves sendo ti.

2 puntadas:

AdIvInA aDiViNaNzA... dijo...

;-)


**

Chousa da Alcandra dijo...

E se as agullas son sorrisos o dos ollos azuis acabará por coser gargalladas de tela...(Malpocado!, que a sua timidez non lle permite pedirche o que ti queres darlle i el desexa a puntadas vista)